Парите од нелегалните изданија за семејството на Тоше

Парите од нелегалните изданија за семејството на Тоше

Откако неодамна се крена голема врева околу компилацијата „Хитови“ на Тоше Проески, издадени нелегално од српската издавачка куќа „Хајфај центар“, на тоа реагираше семејството на ѕвездата и скопската продукција „Аворд“ чиј ексклузивец беше Тоше. Имено, „Аворд“ и „Хајфај центар“ се договорија проблемот во врска со ова издание да го решат без судска постапка. Заедно со семејството на Тоше е договорено, од емотивни причини, веќе испечатеното количество да не се уништува, а средствата од продажбата ќе бидат пренасочени кон семејството Проески.