Обожавателите на Тоше ги бојкотираа наградите „Порин“ во Хрватска

Обожавателите на Тоше ги бојкотираа наградите „Порин“ во Хрватска


Членовите на фан-клубот на Тоше Проески пред самото доделување на наградите „Порин“ синоќа се собраа пред зградата на Хрватската радиотелевизија (ХРТ) уште еднаш да укажат на големата неправда, а според некои и срамота, кои организаторите му ја нанесоа на македонскиот пејач, јавија хрватските медиуми.

- Немаме никакви изјави, ова е се што сакаме да и го порачаме на јавноста, изјавија огорчените обожаватели, кои наидоа на голема поддршка на бројни соработници на „Порин“ кои сметаа дека македонискиот пејач неправедно е игнориран, и тоа за годината во која остварил најмногу успех и без конкуренција беше најизведуван музичар во Хрватска.

Организаторите на наградите „Порин“ во последен момент со кус спот одлучија да се присетат на Проески.


За Тоше на доделувањето прв поговори Жак Худек, посветувајќи му го освоениот „Порин“ токму на него, а Мирослав Рус, освојувајќи ја наградата за песна на годината („Игри без граници“) се заблагодари на неговаа менаџерка и бројни други соработници.

Тоше Проески освои еден „Порин“, и остана без бројни номинации поради тоа што, како што објаснија организаторите, немал хрватско државјанство. Притоа не им бил важен фактот дека албумот во целост е снимен и подуциран со хрватски сили, а како аргумент не послужи ни тоа што Едо Маајка, кој исто така нема хрватско државјанство, веќе освои неколку награди, забележуваат хрватските медиуми.

- Некои работи мораме да ги промениме, изјави неодамна Хус Хасанефендиќ во име на организаторите на „Порин“, а дека е така, се покажа и на самото доделување.

Албумот на Тоше „Игри без граници“, инаку најпродавано дискографско издание во 2007 година, се најде во категорија со Нора Џоунс и Брус Спрингстин, а наградата отиде кај џез пејачката.